ජනප්‍රිය සංස්කෘතිය

සමාජයෙහි මානවයාගේ ක්‍රියාකාරිත්වය බහුවිධ වේ.එසේම ඔවුන් අයත් වන සමාජ ස්ථර අනුවද එකී ක්‍රියාකාරිත්වයේ ස්වභාවය වෙනස් වේ.එම ක්‍රියාකාරිත්වයේ විකාශය සමග සංස්කෘතිය බිහි විය.

සමකාලීන නූතන මානවයාගේ පරිණාමයේ දී සැලකිය යුතු සංස්කෘතික ප්‍රභේද සමූහයක් නිර්මාණය වී ඇත.එහි එක් සංස්කෘතික ප්‍රභේදයක් ලෙස ජනප්‍රිය සංස්කෘතිය හැදින්විය හැක.

ජනමාධ්‍ය මගින් සමාජගත කරන භාණ්ඩ හා සේවා හා බැදුණ සංස්කෘතික ස්වරූපය ජනප්‍රිය සංස්කෘතියයි.ජන සස්කෘතියේ වඩාත්ම ආකර්ෂණීය කොටස මෙය වේ. භාණඩ හා සේවා නිෂ්පාදකයන්ද , ජනමාධ්‍ය ද  , පාරිභෝගිකයාද එක් වීමෙන් ජනප්‍රිය සංස්කෘතිය නිර්මාණය වේ. ජනයා සමග වැඩෙන නොහොත් ජනයාට ප්‍රිය වූ සංස්කෘතිය ලෙසද මෙය හදුනාගත හැකිය.

14 වන හා 16 වන සියවස්  අතර පුරාණ ග්‍රීසියේ සිටම ජනප්‍රිය සස්කෘතිය යන්න හදුනාගැනීමකට ලක් විණි. නූතන තාක්ෂණයත් සමග 20 වන සියවසේදී බිද  වැටීමකට ලක් වූ සම්භාව්‍ය සංස්කෘතියට විකල්පයක් ලෙස මෙය ක්‍රමානුකූලව වර්ධනය වීම දැකිය හැකිය.

ඇතැම් අවස්ථාවල ජන සංස්කෘතිය හා ජනප්‍රිය සංස්කෘතිය එකට යෙදෙන පද දෙකක් ලෙසද හදුනාගත හැකිය.

20 වන සියවස වන විට ඇතිව තිබූ තාක්ෂණික දියුණුව හේතුවෙන් සිනමාව, ගුවන් විදුලිය හා රූපවාහිනී වැනි මාධ්‍යන් දැවැන්ත පරිවර්තනයකට ලක් විය. ජනමාධ්‍ය හා මහජන විනෝදාස්වාද මාධ්‍යයන් ජනප්‍රිය සංස්කෘතිය බිහිවීමට හේතුවක් විය. නූතන කලා විචාරකයන්ට අනුව බහුතර ජනතාවකගේ සංස්කෘතිය ජනප්‍රිය සංස්කෘතිය ලෙස හදුනාගත හැකි වේ.

ජනප්‍රිය සංස්කෘතිය බොහෝ විට අදෘශ්‍යමාන දෙයක් වන අතර, අද්‍යතනය වන විට ඒ තුල තොරතුරු සන්නිවේදනයට මූලික ස්ථානයක් හිමිව තිබේ.

ජනප්‍රිය සංස්කෘතිය පහසුවෙන් පරිශීලනය කල හැකි අතර එයට දීර්ඝ කාලීන පැවැත්මක් නොමැත. එය වෙනස්වන සුළුය. එසේ වන්නේ එය නිර්මාණයක් නොව නිෂ්පාදනයක් වන බැවිනි. එමෙන්ම ජනප්‍රිය සංස්කෘතිය ඇසුරු කිරීමට විශේෂ දැනුමක් හෝ බුද්ධි මට්ටමක් අවශ්‍ය නොවේ. මෙහි සදාචාරාත්මක හා කලාත්මක ගුණයන්වල අවම තත්වයක් දක්නට ලැබෙන අතර, බොහෝ විට නිර්මාණත්මක චින්තන යටපත් කර වෙනත් කරුණු ඉස්මතු කරයි.

ජනප්‍රිය සංස්කෘතිය ධනේශ්වර නිෂ්පාදන ක්ෂේත්‍රයේ ව්‍යාපාරයක් බවට පත්ව ඇති අතර, වෙලදපල ක්‍රමය හේතුවෙන් සෞන්දර්‍ය වටිනාකමට අඩු තක්සේරුවක් ලැබී ඇත. මේ වන විට ජනප්‍රිය සංස්කෘතිය කර්මාන්තයක් බවට පත්ව තිබේ. ව්‍යාපාරිකයින් හා සංවිධායකයින් එහි මූලිකත්වය ගෙන කටයුතු කරති. ඔවුන් සාමාන්‍ය බුද්ධි මට්ටමක් ඇති මධ්‍යම ප්‍රමාණයේ නිර්මාණාත්මක හැකියාවක් ඇති මතුපිට දැක්මක් ඇති පිරිසක් වේ.

ජනප්‍රිය සංස්කෘතිය හරහා ජනප්‍රිය කලාවද බිහිව තිබේ. බොහෝ විට නිර්මාණාත්මක චින්තනය යටපත් කර වෙනත් කරුණු ඉස්මතු කරයි. සංස්කෘතික නිර්මාණවල ගුණාත්මක බව තීරණය කරන්නේද ජනමාධ්‍ය විසිනි.

ජනප්‍රිය සංස්කෘතිය තුල අවධානයට ගත යුතු කරුණු කිහිපයකි.

01. නොගැඹුරු වීම

02. සරල වීම

03. මහා පරිමාණිකව නිෂ්පාදනය වීම

04. සියලු දෙනාටම සමීප වීම

සම්භාව්‍ය සංස්කෘතියේ හිගකම වෙනුවට මෙහි අතිරික්තයක් පවතී. මෙහි පාරිභෝගිකයන් පොදු ජනතාව වන බැවින් මෙය පරිහරණය කිරීමට, ඇසුරු කිරීමට ස්ථානයක් හෝ වේලාවක් , විශේෂ ශ්‍රමයක් මුදලක් මෙන්ම විශේෂ බුද්ධිමය හා අධ්‍යාපන මට්ටමක් අවශ්‍ය නොවේ.

මෙම කරුණු ඔස්සේ ජනප්‍රිය සංස්කෘතිය හදුනාගත හැකි අතර තාක්ෂණයේ දියුණුව සමග වඩ වඩාත් පොදු මහජනතාව සමග බැදී තිබෙනු හදුනාගත හැකිය.

ජනප්‍රිය සංස්කෘතියේ මූලික ලක්ෂණ

01. ජනමාධ්‍ය ඔස්සේ ව්‍යාප්ත වේ

02. ව්‍යාපාරික අධිපත්‍ය සමග බැදී පවතී

03. සෑම සමාජ පංතියක්ම ආකර්ෂණය කර ගනී

04. ගතික වේ..කල් පවත්නා බවක් නොමැත.

05. මහා පරිමාණ නිෂ්පාදනයක් හා බෙදා හැරීමක් ඇත.

06. කාලීන තත්ව මත ගොඩ නැගේ.