නිර්මහාපරිමාණකරණය.....
නිර්මහාපරිමාණකරණය යනු මහා ග්රාහක කණ්ඩායම් ඉන් මිදී කුඩා කොටස්වලට වෙන්වී යාමයි. නොඑසේනම් මාධ්ය ග්රාහකත්වය අල්ප පරාස විකාශන ක්රමවලට යොමු වීමය. වඩාත් හොදින් පැහැදිලි කලහොත් නිමහාපරිමාණකරණය යනු ග්රාහක ක්ෂේත්ර වශයෙන් කුඩා කුඩා කණඩායම්වලට බෙදී යාමයි.
සන්නිවේදන අධ්යයනයේදී මහා පරිමාණකරණය යනු පුලුල් ග්රාහක ක්ෂේත්රයකට ඇමතීම සදහා සන්නිවේදන මාධ්ය භාවිතයට ගැනීම ලෙස හදුනාගත හැකිය. එහිදී ග්රාහකයන් පොදූ ජනතාව සහ ප්රජා කණඩායම් ලෙස බෙදේ. එහෙත් නිර්මහාපරිමාණකරණය ලෙස හදුන්වන්නේ මහා ග්රහක පිරිසෙන් කුඩා කොටස්වලට කැඩී ග්රාහකයන් වෙන් වී යාමය.
නිර්මහාපරිමාණකරණයේදී සිදුවන්නේ නොදන්නා පුද්ගල කණ්ඩායමකට සන්නිවේදනය කරනවා වෙනුවට නිශ්චිත ඉලක්කගත කණඩායමකට සන්නිවේදනය කිරීමයි. මෙහිදී ග්රහකයා ගේ කැමත්ත පිලිබදව සහ ඔවුන්ගේ රුචි අරුචිකම් පිලිබදව අවධානය යොමු කරයි. ඉලක්කගත මාධ්ය පණිවිඩයක් තෝරාගත් නිශ්චිත ග්රාහක පිරිසකට ලබා දීම මෙහිදී සිදුවේ.
මාධ්ය තාක්ෂණයේ වර්ධනයත් සමග නිර්මහාපරිමාණකරණය ක්රමයෙන් ව්යප්ත වූ බව හදුනාගත හැකිය. පොදු ග්රාහකයන්ට ආමන්ත්රණය කර පසුව සන්නිවේදන මාධ්ය ඔස්සේ ළමා, කාන්තා, ක්රීඩා, ප්රවෘත්ති, චිත්ර්පට වැනි අංශ කෙරේ අවධානය යොමු වී තිබේ. 21 වන සියවස වන විට මෙය තව දුරටත් වර්ධනය විය.
නිර්මහාපරිමාණකරණය හේතුවෙන් ශ්රව්ය, දෘශ්ය හා මුද්රිත මාධ්යවල පැවති පොදු ග්රාහක ක්ෂේත්ර වෙනුවට විවිධාකාරයේ ග්රාහක ක්ෂේත්ර බිහිවිය. අන්තර්ජාල ක්රියාදාම ,පරිගණක මාර්ගගත ක්රීඩා , වීඩියෝ ක්රීඩා හරහා නිර්මහාපරිමාණකරණය තව තවත් ව්යාප්ත විය. සමාජ මාධ්ය හේතුවෙන් මේ ත්ත්වය තව දුරටත් ව්යප්ත විණි.
මේ වන විට අන්තර්ජලයේ ව්ය්ප්තියත් සමග කුඩා කුඩා පිරිස් එක්වී සන්නිවේදනය සිදු කරයි. ෆේස්බුක් සමාජ ජාලය එයට නිදසුන් ය.එහිදී කුඩා කුඩා මිතුරු සමාජ තොරතුරු හුවමාරු කර ගන්නා ආකාරය දැකිය හැකිය.මෙහිදී නිශ්චිත ග්රාහකයන් පිරිසක් දැකිය හැකිය.
No comments:
Post a Comment